Foto: ashyq derekkóz
Jambyl oblysynyń burynǵy ákimi Amalbek Tshanovtyń inisi Jamalbek Bekdáýlet halyqaralyq esirtki trafigin uiymdastyrý kúdigimen ustaldy, dep habarlaidy Ult.kz "Adyrna" ulttyq portalyna siltese jasap.
Tergeý málimetinshe, 2025 jyldyń 8 qyrkúieginde Almatydaǵy «Jetisý» keden beketinde Tailandtan kelgen poshta sálemdemesi tekserilgen. Tekserý barysynda erekshe iisi bar suiyq zat anyqtalyp, saraptama nátijesinde onyń kannabis ekstrakty – gashish maiy ekeni belgili bolǵan.
Quqyq qorǵaý organdarynyń nusqasyna sáikes, Jamalbek Bekdáýlet esirtkini halyqaralyq poshta arqyly jetkizýdi uiymdastyrǵan. Ol bul áreketterdi júzege asyrý úshin deldaldardy jáne qylmystyq maqsattan beihabar úshinshi tulǵalardy paidalanǵan bolýy múmkin.
Kúdikti ustalyp, sot sanktsiiasymen qamaýǵa alyndy. Oǵan kontrabanda jáne esirtki ainalymyna qatysty aiyptar taǵý josparlanyp otyr.
Amalbek Tshanov – qoǵam qairatkeri, Shymkent (1992–1993) pen Jambyl oblysynyń ákimi (1995–1998), ministr jáne parlament depýtaty qyzmetterin atqarǵan belgili memleket qairatkeri.
