«Altyn» alqa men «Kúmis» alqa berý erejesin qaita qaraý kerek. Bul týraly Ulttyq qoǵamdyq senim keńesiniń múshesi Ýais Ersaiynuly aitty, dep habarlaidy QazAqparat.
«Altyn» alqa men «Kúmis» alqa berý erejesin qaita qaraý kerek. Sebebi bul nagradany berý úshin jumysqa qabyldaityndai tekseris ótkiziledi eken. Sottalmaǵany týraly anyqtama talap etiledi», - dedi ol Ulttyq qoǵamdyq senim keńesiniń 6-otyrysynda.
Sonymen qatar keńes múshesi pandemiia kezinde memlekettik organdar qashyqtan qyzmet kórsetýge kóshkenimen áli de qaǵazbastylyq bar ekendigin aitady.
«Halyq jumysqa turarda tapsyratyn narkologiialyq jáne psihologiialyq dispanserde esepte turǵan joq degen anyqtamany egovtan tegin ala alady. Biraq, ony qabyldamaidy. Olar dispanserdiń móri basylǵan anyqtamany talap etedi. Al ol 5 myń teńge turady. Sondai-aq Eńbek ministrliginde tsifrlyq integratsiia álsiz qurylǵan. Máselen, kópbalaly otbasylarǵa tegin beriletin jolaqy biletterin Jumyspen qamtý bólimi beredi. Olar analardan kópbalaly degen anyqtamany talap etedi. Jumyspen qamtý bólimi Eńbek ministrligine qaraidy. Olar bazadan ol ananyń mártebesin kórýi kerek, qujat suratpaýy tiis. Ókinishke orai, bir ministrlikke qaraityn mekemeler ózarasynda anyqtama jinatyp, sabyltyp qoiǵan. Iaǵni, taǵy da qaǵazbastylyq oryn alyp otyr», - dedi Ýais Ersaiynuly.
Onyń atap ótýinshe, halyqqa qyzmet kórsetý oryndary jalǵyzbasty degen 4 úlgidegi anyqtamany beredi.
«Ony AHAJ-da 800 teńgege satady. Komissiiasy - 200 teńge. Osy anyqtamany analar ár balasyna 1 myń teńgeden satyp alady. 5 balasy bolsa 5 myń teńge tóleidi. Memlekettik organdar anyqtamany nege aqyly qylyp qoiǵan? Bul anyqtamany analar úi kezegine turý úshin alady. Sol sebepti qajet», - dedi ol.
