"Altyn Orda" bazarynda uialy telefon urlyǵy úshin bolǵan tóbelesten keiin komaǵa túsken 23 jastaǵy jigit aýrýhanada qaitys boldy. Marqumnyń artynda júkti áieli qaldy, dep habarlaidy Ulysmedia.kz portaly.
Budan buryn jelide Almatynyń "Altyn Orda" bazarynda eki jigittiń arasynda bolǵan janjaldyń videosy taraǵan edi. Kadrdan jigitterdiń biri ekinshisin jibermei, uialy telefondy qaitarýyn surap jatqanyn ańǵarýǵa bolady. Alaida kúdikti qarsylasyna eki ret judyryq jumsap, oqiǵa ornynan ketip qalady. Politseiler qaqtyǵystyń eki qatysýshysynyń jeke basyn anyqtap, atalǵan fakt boiynsha qylmystyq is qozǵady. Jábirlenýshiniń Talǵar aýdanynyń 23 jastaǵy turǵyny ekeni belgili boldy.
"Naýqas 14 maýsym kúni keshkisin aǵasymen birge aýrýhanaǵa keldi. Ol "Altyn Orda" bazaryndaǵy tóbelesten jaraqat alǵanyn jetkizdi. Tolyq tekserý júrgizilip, basyna KT jasaldy. Naýqasqa sol jaq betiniń súieginiń synýy, muryn súiekteriniń synýy jáne murynnyń qisaiýy diagnozy qoiyldy. Mekemege jaq-bet hirýrgtary, nevropatologtar shaqyryldy. Isinýge qarsy em-shara júrgizildi. Naýqas jaqsarǵan soń 20 maýsymda aýrýhanadan shyǵardyq", - dedi A Class Medical baspasóz qyzmetiniń jetekshisi Gúljan Qoishybaeva.
Oblystyq densaýlyq saqtaý basqarmasynyń málimetinshe, 20 maýsymda naýqas Almaty kópsalaly klinikalyq aýrýhanasyna túsip, búgin, 8 shildede tańerteń qaitys boldy.
Óńirdiń politsiia departamenti jábirlenýshiniń qaitys bolýyn eskerip, qylmystyq isti qaraý babyn ózgerýt týraly másele qarastyrylyp jatqanyn atap ótti.
"Fakt boiynsha Qylmystyq kodekstiń 191-baby ("Tonaý") bioynsha qylmystyq is qozǵalǵan. Tergeý materialdarynda jábirlenýshi retinde Talǵar aýdanynyń 23 jastaǵy turǵyny bolǵan, ol osy ýaqytqa deiin aýrýhanada emdelip jatty. Búgin tańerteń jábirlenýshiniń qaitys bolǵany anyqtaldy. Osyǵan bailanysty qosymsha tergeý is-áreketteri uiymdastyryldy, onyń nátijesinde qylmystyq isti qaita saralaý týraly másele qaralatyn bolady", - dep túsindirdi vedomstvonyń baspasóz qyzmeti.
