QR Eńbek jáne halyqty áleýmettik qorǵaý ministrligi «Altyn alqa» jáne «Kúmis alqa» alqalarymen marapattalǵan kópbalaly analarǵa memlekettik járdemaqy taǵaiyndaý boiynsha qyzmetti proaktivti formatta alý tártibin jeńildetti, dep habarlaidy "Ult aqparat" vedomstvonyń baspasóz qyzmetine silteme jasap.
«Kópbalaly analardyń eńbegin atap ótý jáne laiyqty baǵalaý úshin memleket olardy «Altyn alqa» jáne «Kúmis alqa» alqalarymen nagradtaidy jáne alqa ieleri tiisti memlekettik járdemaqy alady. Kópbalaly analardyń ýaqytyn únemdeý maqsatynda ministrlik 2019 jyldan bastap osy járdemaqyny taǵaiyndaý boiynsha memlekettik qyzmetti proaktivti formatta alýǵa múmkindik beredi. Bul áielderdi kezekte turýdan qutqardy, olar memlekettik qyzmetterdi yńǵaily ýaqytta jáne kez kelgen jerde alady. Kórsetiletin qyzmetti alýshy bir ǵana SMS habarlamaǵa jaýap bere otyryp, járdemaqyny proaktivti resimdeýge kelisim beredi jáne bank shotyn rastaidy. Memlekettik qyzmet kórsetý úshin qajetti basqa da málimetter memlekettik organdardyń aqparattyq júielerinen túsedi», – dedi QR Eńbek jáne halyqty áleýmettik qorǵaý vitse-ministri Erbol Ospanov.
Jeńildetilgen tártip memlekettik járdemaqyny proaktivti formatta taǵaiyndaýdy aitarlyqtai arttyrýǵa múmkindik berdi. Osy ózgeristerdiń arqasynda 2021 jyly proaktivti qyzmet alǵan kópbalaly analardyń sany eki eseden astam – 9 myń adamǵa deiin ósti.
