Halyqpen tikelei qarym-qatynasta jumys isteitin mekeme qyzmetkerleri vaktsinalanbasa, nysannyń jumysy toqtatylady. Bul týraly Nur-Sultan qalasynyń ákimi Altai Kólginov Instagram-da jazdy, dep habarlaidy "Ult aqparat".
«Qurmetti elorda turǵyndary men qonaqtary!
Ózderińiz biletindei, qalamyzda «Delta» shtamy («úndi» shtamy degen ataýmen belgili) infektsiiasynyń alǵashqy jaǵdailary tirkeldi. Naýqastar sany azaimai tur. Ótken táýliktiń ózinde infektsiianyń 413 jaǵdaiy anyqtaldy. Myńnan astam adam infektsiialyq statsionarlarda jatyr. Tósek-oryndardyń jartysynan kóbi toldy. Reanimatsiia bóliminde 100 naýqas jatyr. 21 adamǵa ókpeni jasandy jeldetý apparaty qosyldy. Meditsina qyzmetkerlerine artylǵan júkteme birneshe ese ósti jáne ósip jatyr.
Qazir ǵylymǵa qarsy turatyn ýaqyt emes. Ǵylymnyń kómegimen jyl saiyn jer betindegi milliondaǵan adam densaýlyǵyn saqtap, aman qalady. Ǵylym ǵana adamdy jańa, qaýipti virýstar men infektsiialardan saqtanýǵa kómektesedi.
Shuǵyl túrde vaktsina alý qajet! Vaktsinatsiia arqyly ózińizdi, otbasyńyzdy jáne ainalańyzdaǵy adamdardy qorǵai alasyz. Eger koronavirýs infektsiiasynyń juqtyrý kórsetkishi azaimasa, qala turǵyndary men shaǵyn jáne orta biznes nysandary qatań sanitarlyq normalardy saqtamaityn bolsa, lokdaýnǵa qaita oralýymyzǵa týra keledi. Adam densaýlyǵy men ómiri qyl ústinde.
Sanitarlyq normalardyń/karantindik shekteýlerdiń saqtalmaýy, keibir azamattardyń oǵan bei-jai qaraýy saldarynan týyndaǵan jaǵdaidy turaqtandyrý úshin qosymsha karantindik shekteýler qabyldaýǵa májbúrmiz. Sanitarlyq dárigerler karantindik sharalardy qatańdatý týraly jańa qaýly daiyndaýda», - dedi A.Kólginov.
Qala basshysynyń aitýynsha, táýekel tobyndaǵy sala mamandaryna mindetti túrde vaktsina alý usynylady.
«Birinshi, táýekel tobyndaǵy azamattarǵa mindetti túrde vaktsina alýdy usynamyz. Bul topqa pedagogtar, meditsina qyzmetkerleri, áleýmettik qyzmetkerler, mektep, balabaqsha, ýniversitet qyzmetkerleri, qyzmet kórsetý salalary, iaǵni Halyqqa qyzmet kórsetý ortalyqtary, bankter, saýda, oiyn-saýyq ortalyqtary, saýda úileri, shashtarazdar, sulýlyq salondary, talapkerler (18 jasqa tolǵan), sondai-aq qalanyń tynys-tirshiligin qamtamasyz etetin qyzmetkerler jatady.
Qala turǵyndarymen tikelei bailanysta bolatyn jáne jumys isteitin qyzmetkerler túsinýi kerek: eń aldymen ózin jáne ainalasyndaǵy adamdardy qorǵaýy qajet. Mysaly, qoǵamdyq tamaqtaný oryndarynda/meiramhanalarda nemese SOO-da bóten adamdarmen tikelei bailanysatyn bolsańyz, eń aldymen vaktsinatsiiadan ótip, ózińizdi jáne ainalańyzdaǵy jurtty qorǵaýyńyz kerek.
Eger atalǵan uiym qyzmetkerleri vaktsinalanbasa, nysannyń jumysy toqtatylady», - dep naqtylady qala ákimi.
Ekinshi. Vaktsinalanǵan qyzmetkerler úshin jumys oryndary qoljetimdi.
Ekpe almaǵandar (vaktsina almaýǵa meditsinalyq ruqsaty bar qyzmetkerlerdi esepke almaǵanda) qashyqtan jumys isteý jáne qashyqtan oqý formatyna jiberilýi kerek.
Úshinshi. Ashyq jobasy qyzmetkerleri 100 paiyz vaktsinalanǵan kásiporyndarda ǵana jumys isteidi. Sonymen qatar, Ashyq qosymshasy kelýshilerdiń vaktsinatsiia statýsyn anyqtaityn «Vaktsinatsiia» modýlimen biriktirilýi qajet.
