Profilaktikalyq meditsina akademiiasynyń prezidenti Almaz Sharman megapoliste jedel repiratorly virýstyq infektsiianyń órshýine qatysty túsinikteme berdi, dep habarlaidy QazAqparat.
Ǵalymnyń aitýynsha, koronavirýs, tumaý jáne jedel respiratorly virýs infektsiiasynyń simptomdary uqsas. Biraq koronavirýsta dám, iis joǵalyp, entikpe paida bolýy múmkin.
«Koronavirýsty PTR testi arqyly anyqtaǵan jón. Onyń belgileri bolsa taldaý jasaý jáne kez kelgen jaǵdaida, tipti koronavirýs bolmasa da, oqshaýlaý usynylady», - dep keńes berdi professor Almaz Sharman.
Professor qala turǵyndaryn koronavirýsqa ǵana, tumaýǵa da qarsy belsendi vaktsinalanýǵa shaqyrdy.
«Men koronavirýs vaktsinasyn aldym, al jaqynda tumaýǵa qarsy egildim. Bul eki túrli infektsiia jáne olardyń ózara uqsas bolýy múmkin. Qosarlanǵan infektsiianyń saldary árqashan aýyr bolady», - dedi spiker.
Sondai-aq, ol qazirdiń ózinde vaktsinatsiialanǵan azamattarǵa, ásirese 60 jastan asqan jáne sozylmaly aýrýlary bar adamdarǵa koronavirýsqa qarsy revaktsinatsiia alý kerektigin aitty.
«Izrail ǵalymdary koronavirýs infektsiiasyna immýndyq jaýaptyń vaktsinanyń alǵashqy eki dozasynan soń 6 aidan keiin tómendeitinin dáleldedi. Sondyqtan revaktsinatsiia usynylady. Ol qanshalyqty jii qajet bolatyny áli naqty belgisiz. Ol jyl saiyn ótýi múmkin, munyń bári pandemiianyń qalai bolatynyna bailanysty», - dedi Almaz Sharman. Professor koronavirýs infektsiiasy endemiialyq bolǵandyqtan, bizben uzaq ýaqyt bolady dep sanaidy. Sondyqtan múmkindiginshe kóp adamnyń vaktsinalanýy jáne revaktsinatsiiadan ótýi óte mańyzdy.
