Almaty qalalyq josparlaý jáne ýrbanistika basqarmasynyń bastyǵy Almashan Ahmedjanov onlain brifing barysynda VII shaqyrylǵan qala máslihatynyń kezekten tys VI sessiiasynda qabyldanǵan jańa qurylys erejelerin tanystyrdy, dep habarlaidy "Ult aqparat".
Jańa talaptar megapolistegi qurylysty shekteidi, ǵimarattardyń biiktigin jáne salynatyn qurylystyń tyǵyzdyǵyn anyqtaidy jáne infraqurylymdy damytý boiynsha talaptar qoiady.
«Almaty ákimi Baqytjan Saǵyntaevtyń tapsyrmasy boiynsha «Qalanyń sáýlettik kelbetin qalyptastyrý jáne qala qurylysyn josparlaý erejeleri» ázirlendi. Biylǵy jyldyń 17 aqpanynda qujat jobasy Almatynyń bas josparyna enetin túzetýler jobasy boiynsha jumys tobyna qatysýshylardyń talqylaýyna usynyldy. 25 naýryzda joba NQA portalynda jariialanyp, kópshilikke usynyldy», - dedi Almashan Ahmedjanov.
Talqylaý barysynda qala qurylysy búkil qatysýshynyń pikiri eskerildi. Sonymen birge, megapolis qurylysyna qoiylatyn bazalyq talaptar saqtaldy.
Qujattyń maqsaty - qalanyń sáýlettik-keńistiktik damýyn quqyqtyq retteý.
Qujat turǵyn aýdandar men shaǵyn aýdandardaǵy halyqtyń tyǵyzdyǵyna qoiylatyn talaptardy, sondai-aq kóppáterli turǵyn úilerdiń uzyndyǵy araqashyqtyǵynyń az mólsherin anyqtaidy.
3-5 qabatty úilerde araqashyqtyq kem degende 20 metr, 10-16 qabatty úilerde kem degende 48 metr, al 17 jáne odan joǵary qabattarda 80 metrge deiin ósedi.
«Memleket basshysynyń megapolisti damytý jónindegi tapsyrmasyna orai erejede Almatynyń biregei arhitektýralyq kelbetin jáne ár qalalyq úshin jasyl jelek sanyn saqtaý erekshe oryn alady. Bular jańa erejede jazylǵan», - dedi spiker.
