Qyrkúiek aiynda Almatyda De Montfort Qazaqstan Britan ýniversitetiniń filialy ashylady, dep habarlaidy QazAqparat.
Ortalyq kommýnikatsiialar qyzmetinde ótken brifingide qala ákimi Baqytjan Saǵyntaev atalmysh jobanyń qunyn atady.
«Qyrkúiek aiynda De Montfort Qazaqstan Britan ýniversitetiniń filialy ashylady. 5 jylda investitsiia kólemi 50 mln AQSh dollaryn quraidy. «Alataý» innovatsiialyq tehnologiialar parki» arnaiy ekonomikalyq aimaǵynda 2 myń stýdentke arnalǵan Nazarbayev University bazasynda «Jasandy intellekt mektebi» jáne «Aqparattyq-kommýnikatsiialyq tehnologiialar salasynda zertteýler júrgizýge arnalǵan zerthana» jobalaryn iske asyrýdy josparlap otyrmyz», - dedi qala ákimi.
Shahar basshysy aýstriialyq VAMED kompaniiasymen birlesip salý josparlanyp otyrǵan kópbeiindi aýrýhananyń boljamdy qunyn da atady.
«Koreialyq áriptesterdi tarta otyryp, 300 oryndyq halyqaralyq klinika salý josparda bar. Quny shamamen 38,7 mlrd teńge bolatyn joba 250 adamdy jumyspen qamtidy. Sondai-aq, aýstriialyq VAMED kompaniiasymen birlesip 90 mln dollarǵa 200 oryndyq kópbeiindi aýrýhana salý máselesi pysyqtalýda», - dedi ákim.
