«Abay 130» turǵyn úi kesheniniń turǵyndary úidiń janyndaǵy japsarlai salyna bastaǵan 12 qabatty ǵimarattyń qurylysyna qarsy, dep habarlaidy "Ult aqparat".
Turǵyndar Facebook arqyly úndeý joldady.
«Basynda turǵyndarǵa usynǵan jobada bul jerde bizdiń úiden basqa qurylys bolmaidy delingen. Ýaqyt óte kele kógaladandyrýǵa arnalǵan alańda 12 qabatty ǵimarat paida bolatyn boldy. Eń soraqysy – bul jobamen barlyq bilik kelisken, tipti jobanyń memlekettik saraptamasy da bar. Prokýratýraǵa shaǵymdandyq, biraq olar bizdi qalalyq ákimdikke jiberdi. Eger memlekettik organdar sheshimdi joimasa, turǵyndar sotqa júginedi. Bul tutynýshynyń quqyǵyn buzý»,- dep jazdy jeli qoldanýshylar.
Qalalyq josparlaý jáne ýrbanistika basqarmasy Qazaqstan Respýblikasynyń zańnamasyna sáikes qurylys salýshyǵa turǵyn úi kesheninin jobaǵa deiingi qujaty berilgenin habarlady.
«Qurylys bastalǵanǵa deiin joba Qazaqstan Respýblikasynyń qurylys normalary men erejelerine sáikestigine mindetti memlekettik saraptamadan ótedi», - dep habarlady basqarmadan.
