Almaty qalasynda bir táýlikte 1257 adam koronavirýsqa qarsy vaktsina saldyrdy, dep habarlaidy "Ult aqparat".
Qoǵamdyq densaýlyq saqtaý basqarmasy taratqan málimetke sáikes, 6 maýsym kúni 1 257 almatylyq vaktsina saldyrdy. Biylǵy jyldyń 1 aqpany men 6 maýsymy aralyǵynda qalada barlyǵy 316 407 adam egildi. Vaktsina alǵandardyń jalpy sanynan 60 jastan asqan azamattar – 30 821.
Búginde almatylyqtar 4 vaktsinanyń birin tańdai alady. Qalada «Spýtnik V»-nyń – 22 040 doza, «QazVac»-tyń – 815 doza, «Hayat-Vax»-tyń 18 293 dozasy qoljetimdi. Sondai-aq 1 maýsym kúni Qytai elinen «CoronaVac» vaktsinasynyń 500 myń dozasy jetkizilgen bolatyn.
Qalada 211 pýnkt jumys istep tur. 1 257 adamnan turatyn 304 egý brigadasy bar. Sonymen qatar, 40 kóshpeli mobildi brigada uiymdastyryldy.
«Qazir meditsinalyq uiymdarda, mektepterde, mádeniet, sport obektilerinde, bazarlar men qalanyń saýda, oiyn-saýyq ortalyqtarynda vaktsinatsiia pýnkti jumys isteidi», - dep naqtylady Qoǵamdyq densaýlyq saqtaý basqarmasynan..
