Almaty qalasy sanitarlyq-epidemiologiialyq baqylaý departamentiniń bastyǵy, qalanyń bas memlekettik sanitar dárigeri Jandarbek Bekshin almatylyqtardyń koronavirýsty qai jerde jii juqtyratynyn aitty, dep habarlaidy QazAqparat.
Jandarbek Bekshin keltirgen málimetke sáikes, sońǵy epidemiologiialyq tekserý nátijeleri boiynsha azamattardyń 90%-y koronavirýspen aýyratyn naýqastarmen bailanysta bolǵan.
Qoǵamdyq oryndarda juqtyrý qaýpi joǵary - 49%, otbasynda - 22%, al qoǵamdyq kólikte - 18%.
«Kóbinese 20 men 40 jas aralyǵyndaǵy azamattar juqtyrýda, olardyń kórsetkishi - 33%, 40 pen 60 jas aralyǵyndaǵy azamattar - 28%, al 60 jastan asqandardyń 25% jii aýyrady. Osy jas sanatyndaǵy azamattar barlyq naýqastyń 86%-yn quraidy», - dedi Bekshin.
Qalanyń bas sanitar dárigeri brifing barysynda turǵyndardy sanitarlyq-epidemiologiialyq talaptardy qatań saqtaýǵa shaqyrdy.
Ásirese jabyq bólmeler men adam kóp jinalatyn oryndarǵa barǵanda betperde kiiýdi, sondai-aq saparǵa jii shyǵýdan, adam kóp jinalatyn buqaralyq is-sharalarǵa barýdan aýlaq bolýdy eskertti. Aýrýdyń aldyn alýdyń mańyzdy sharasy – gigiena, ásirese qoldy taza ustaý.
Sonymen qatar,ol qala turǵyndaryn belsendi túrde vaktsinalanýǵa shaqyrdy. Ol adamdardyń qaýipti infektsiiadan qorǵaityn vaktsina almasa, aýrýdyń azaimaitynyn tilge tiek etti.
