Almatylyqtar qolynda jeldetkishi bar avtobýs jolaýshysyn jelide talqylap jatyr, dep habarlaidy "Ult aqparat".
Video áleýmettik jelide paida boldy. Video avtory qoǵamdyq kólikte aýa baptaǵysh istemeitinin aitty.
«№201 avtobýs, konditsioner óshirýli, ishinde aýa joq, ystyq. Adamdar jeldetkishpen otyr», - delingen jazbada.
Jeli qoldanýshylar beinejazbaǵa qatysty ártúrli pikir qaldyrdy, keibireýleri ony ázilmen qabyldady, al endi biri ashýlandy.
«Bul jańa avtobýstar, biraq sumdyq. Terezeleri jabyq. Konditsioneri istemeidi. Dalada kún ystyq, avtobýsta aýa joq. Adamdar tunshyǵyp otyr», - dep jazady jeli qoldanýshylar.
Buǵan deiin, almatylyqtar osy máseleni kóterip, ákimge shaǵymdanǵan bolatyn.
Bul saýalǵa qalalyq mobildilik basqarmasynyń bastyǵy Ǵani Myrzahanov jaýap berdi.
Onyń aitýynsha, búginde 1 198 avtobýsta konditsioner bar, al 1 243-inde joq.
«Búginde 62 avtobýstyń aýa baptaǵyshy isten shyqqan. Qosalqy bólshekterdi Qytai men Reseiden kútip otyrmyz. Olar 10 kún ishinde kelýi kerek. Sodan keiin konditsionerlerdi qosamyz», - dedi ol «Almaty» telearnasyndaǵy tikelei efirde.
