Almatylyqtar qoǵamdyq kólikterde aýa baptaǵyshtyń joqtyǵyna shaǵymdandy, dep habarlaidy QazAqparat.
«Dalada 40- 45 gradýs ystyq. Al qaladaǵy avtobýstarda konditsioner joq. Avtobýstardyń 70-80% -da aýa baptaǵysh joq dep aita alamyn. Al keibir avtobýstardyń aralyqtary 20-25 minýt. Baqytjan Ábdiruly osy máseleni sheshýge kómektesińiz», - dedi turǵyn Almaty telearnasynyń tikelei efirinde ótken baǵdarlamada.
Bul saýalǵa aldymen qalalyq mobildilik basqarmasynyń bastyǵy Ǵani Myrzahanov jaýap berdi.
Onyń aitýynsha, búginde 1 198 avtobýsta konditsioner bar, al 1 243-inde joq.
«Búginde 62 avtobýstyń aýa baptaǵyshy isten shyqqan. Qosalqy bólshekterdi Qytai men Reseiden kútip otyrmyz. Olar 10 kún ishinde kelýi kerek. Sodan keiin konditsionerlerdi qosamyz», - dep jaýap berdi ol.
Tikelei efir kezinde Baqytjan Saǵyntaev qalada taǵy 1 myń avtobýs jetispeitindigin atap ótti.
«Biz jyl saiyn jańa avtobýstar satyp alamyz jáne olardyń qyzmet etý merzimi bar. Tehnika bolǵan soń synady. 2012 jyldan bastap biz jolaqyny bir deńgeide ustadyq - 80 teńge. Biz sýbsidiia beremiz. Sonyń arqasynda qalada 20 tasymaldaýshymyz bar. Olar qalanyń 50%-yn qamtamasyz etedi, al qalǵan 50% - «Almatyelektrotrans», - dedi ákim
Jyl sońyna deiin ákimdik taǵy 300 avtobýs satyp alýdy josparlap otyr.
