Almaty qalasy sanitariialyq-epidemiologiialyq baqylaý departamentiniń basshysy Jandarbek Bekshin onlain brifing barysynda elimizde salynyp jatqan úsh vaktsina da qajylyqqa barýǵa nelikten jaramaidy degen suraqqa jaýap berdi, dep habarlaidy "Ult aqparat".
«Bul máseleni qazir Densaýlyq saqtaý ministrligi qarastyryp jatyr. Bul másele maýsym aiynda sheshilýi múmkin. Qazir Saýd Arabiiasyna resmi túrde ótinish jiberildi. Qazaqstan Musylmandar dini basqarmasy buǵan jaýap beretin bolady», - dedi Jandarbek Bekshin.
Buǵan deiin, Qazaqstan musylmandarynyń dini basqarmasy Saýd Arabiiasy Koroldiginiń densaýlyq saqtaý ministrligi 2021 jylǵy qajylyq maýsymyna daiyndyq sheńberindegi arnaiy talaptardy jariialaǵanyn málim etken bolatyn.
Saýd Arabiiasy bekitken vaktsinalardyń qatarynda Pfizer-BioNTech, AstraZeneca, Johnson&Johnson jáne Moderna bar. Sonymen qatar, onyń eki dozasyn qabyldaý talap etilgen.
