«Aqjar» shaǵynaýdanynyń turǵyndary aryqtyń las sýy taza aýyz sý qubyrymen aǵyp jatqanyna shaǵymdandy. Naýryzbai aýdanynyń ákimdigi mán- jaidy túsindirdi.
Turǵyndardyń shaǵymy áleýmettik jelide tarady.
«Aryqtaǵy las sý aýyz sý qubyrymen aǵyp jatyr. Bul – shekten shyǵý. Bizde kúni boiy sý bolǵan joq. Biraq biraz ýaqyttan keiin álgi kir sý aǵa bastady. Keiin Naýryzbai aýdany ákimdiginiń qyzmetkerleri aryqtyń las sýy taza sý qubyrymen ótip jatqanyn rastady. Ony tas tóseý arqyly toqtatýǵa tyrysty. Ótken joly sýarmaly sýdy da qubyr arqyly jibergen bolatyn», - dep shaǵymdandy jeli qoldanýshy.
Óz kezeginde Naýryzbai aýdany ákimdigi sý qubyrynyń ótkizý qabileti tómen bolǵandyqtan qiyndyq týyndaǵanyn málim etti.
«Almaty sý» memlekettik kásiporny men Naýryzbai aýdandyq turǵyn úi-kommýnaldyq sharýashylyq bóliminiń kúshimen sýmen jabdyqtaý problemalaryn joiýǵa baǵyttalǵan is-sharalar kesheni jasalyp jatyr. Sý bolmaǵan kezde turǵyndarǵa aýyz sý arnaiy tehnikamen jetkiziledi», - dep habarlady ákimdiktegiler.
Sondai-aq, «Aqjar» yqshamaýdanynyń turǵyndaryn úzdiksiz sýmen qamtamasyz etý úshin Almaty qalalyq energotiimdilik jáne infraqurylymdyq damý basqarmasynyń tapsyrysymen injenerlik kommýnikatsiia (sýmen jabdyqtaý jáne káriz) qurylysy boiynsha keshendi jumys júrip jatyr.
Onyń ishinde súzgi stantsiiasyn qaita jańartý jáne jańa injenerlik jeliler salý jalǵasýda.
Qurylys jumystarynyń aiaqtalý merzimi - osy jyldyń jeltoqsan aiy.
