Almatyda belgili qoǵam qairatkerleri, mádeniet, ǵylym, bilim jáne sport salasynyń kórnekti ókilderi aldaǵy referendýmǵa qatysty óz ustanymyn bildirip, ony el bolashaǵyna tikelei yqpal etetin tarihi oqiǵa dep baǵalady. Olardyń pikirinshe, bul – jai ǵana saiasi rásim emes, táýelsiz Qazaqstannyń damýyndaǵy mańyzdy kezeń.
Máselen, Halyq qaharmany Sát Toqpaqbaev adam quqyǵynyń ústemdigi memlekettiń quqyqtyq negizin nyǵaitatynyn atap ótti. Al memleket jáne qoǵam qairatkeri Nurlan Orazalin qujattyń strategiialyq mańyzyna toqtaldy.
Almaty ziialylary usynylyp otyrǵan ózgeristerdiń áleýmettik sipatyna erekshe nazar aýdardy. Olardyń aitýynsha, qujat mazmuny jaǵynan túsinikti bolyp, adam múddesine jaqyndai túsken.
«Jańa Konstitýtsiiamyzdyń áleýmettik baǵyty aiqyndalyp, ol halyqqa jaqyndai tústi», – dedi Qazaqstannyń halyq jazýshysy Smaǵul Elýbai.
Qazaqstannyń eńbek sińirgen qairatkeri Azamat Satybaldy jańa Konstitýtsiia eldiń uzaqmerzimdi damý baǵytyn aiqyndaityn negizgi qujat ekenin aitty.
«Erekshe atap ótetin jait – Konstitýtsiia tuńǵysh ret memlekettik tilde jazyldy», – dedi ol.
Aldaǵy referendýmnyń mańyzyn óner qairatkerleri de erekshe atap ótti. Qazaqstannyń halyq ártisi Roza Rymbaeva azamattardy daýys berýge qatysýǵa shaqyrdy.
«15 naýryz – elimiz úshin mańyzdy kún. Kelip, óz tańdaýyńyzdy jasańyzdar», – dedi ánshi.
Sondai-aq jańa Konstitýtsiia jobasynyń negizgi tustaryna qatysty Jan Baijanbaev, Gúlnar Dosmatova, Azamat Satybaldy, Qaragóz Súleimenova, Shynar Asqarova, Nazym Qyzaibai, Táýekel Músilim jáne basqa da tanymal tulǵalar pikir bildirdi.
