Almatydaǵy Globus saýda oiyn-saýyq ortalyǵynda ekpe alǵan turǵyndary arasynda júldeli utys oiyndary ótti, dep habarlaidy "Ult aqparat".
Saýda ortalyǵyndaǵy egý pýnktinde koronavirýsqa qarsy ekpe alǵan júzden astam almatylyq oljaly bolsa, bas júlde IPhone 12 smartfonyn 20 jastaǵy medbike Álim Marǵul ielendi.
«Egý pýnkti bizdiń ortalyqta ornalasqandyqtan ony alý óte yńǵaily boldy. Qala turǵyndary kelip, ekpe jasai bastady. Olarǵa qoldaý kórsetip, syilyqtar oinatýdy sheshtik. Bul Globus SOO-nyń qoldaýy», – dedi Globus ortalyǵynyń marketology Daliia Jaqypova.
Vaktsinaǵa nazar aýdarý úshin aqparattyq-túsindirý naýqany júrgizilýde. Bul rette shaǵyn jáne orta biznes ókilderiniń uiytqysymen qalada turǵyndarǵa vaktsina salý boiynsha erikti naýqanǵa qatysýǵa yntalandyrý úshin túrli utys oiyndary men lotereialar ótkiziledi.
Saýda ortalaǵynyń ákimshiligi jalǵa alýshylardyń qoldaýymen sertifikattar men telefondardy oinatýdy sheshti.
Utys barysynda lototronǵa blankter salyndy, olar sol kúni vaktsina alǵandardy toltyrdy.
Bul joly sáttilik almatylyq Álim Marǵulǵa tústi. Boijetken №30 emhanada bir jyl jumys isteidi. Ol meditsina kolledjiniń túlegi. Mamyr aiynyń basynda Globus SOSO tanys pýnktinde vaktsina alǵan.
«Men emhanada jumys isteimin. Bul aýrý rasymen qaýipti. Sondyqtan men ózime jáne basqalarǵa qaýip tóndirgim kelmeidi. Ásirese naýqastarǵa. Men utys oiyny týraly umytyp kettim, olar maǵan qońyraý shalyp, jeńgenimdi aitty. Basynda ázil eken dedim. Áli sene alar emespin. Telefonymdy áli alǵan joqpyn, kezekshiliktemin», - dedi medbike.
Aita keteiik, qalada meditsinalyq uiymdarda, mektepterde, mádeniet, sport obektilerinde, bazarlarda jáne qalanyń saýda oiyn-saýyq ortalyǵynda 212 vaktsinatsiia pýnktteri jumys isteidi. 1 260 adamnan turatyn 308 egý brigadasy jumyldyryldy.
Almaty qoǵamdyq densaýlyq saqtaý basqarmasynyń málimetinshe, 2 maýsymdaǵy jaǵdai boiynsha vaktsinany 307 981 adam aldy, onyń ishinde 5 115 politsiia qyzmetkeri, 23 240 pedagog, 29 136 meditsina qyzmetkeri.
