Almatyda aǵashtan sekirip ólmek bolǵan mas adam qutqaryldy, dep habarlaidy "Ult aqparat".
Onyń videosy áleýmettik jelide tarady.
Almaty qalalyq Politsiia departamentiniń málimetinshe, 3 maýsymda Áýezov aýdandyq politsiia basqarmasynyń kezekshi bólimine belgisiz er adam alkogoldik mas kúiinde 3-yqsham aýdannyń №20 úidiń janynda júrgeni týraly qońyraý kelip tústi.
«Oqiǵa ornyna barǵan ýchaskelik inspektorlar aqparatty rastady. Shyndyǵynda, er adam júrgen joq, ol aǵashtyń tóbesinde otyrdy. Onyń jeke basy birden anyqtaldy – 1972 jyly týǵan B. esimdi azamat. Mas adam birneshe ret sekirýge umtyldy. Ótip bara jatqan adamdar ony, mundai áreket jasamaýǵa kóndirýge tyrysqan kezde ýchaskelik inspektor Ádilet Shegebaev formasyn sheship, aǵashqa órmelep shyǵyp, óz-ózine qol jumsaýǵa tyrysqan adamdy tómen túsirdi», – dedi Áýezov aýdandyq politsiia basqarmasynyń bastyǵy Ulan Ábilhaiyr.
Eshkim zardap shekken joq.
Politsiia er adamdy sot-narkologiialyq saraptamaǵa ertip bardy, onda onyń mas bolý faktisi resmi túrde rastaldy.
Sodan keiin quqyq buzýshy politsiiaǵa jetkizildi, ol jerde onyń osy áreketiniń sebebi belgili bolady.
