Almaty qalasy qoǵamdyq densaýlyq basqarmasynyń basshysy Nariman Tabynbaev megapoliste 316 407 adam vaktsina alǵanyn málim etti, dep habarlaidy QazAqparat.
Qalanyń bas dárigeriniń aitýynsha, kásipkerler turǵyndardy vaktsina alýǵa shaqyryp, túrli aktsiialar men utys oiyndaryn uiymdastyryp jatyr.
«Bizde vaktsina shtaby jumys isteidi, onyń quramynda kásipkerler de bar. Shaǵyn jáne orta biznes ókilderi vaktsina alý biznesti qalpyna keltirýge múmkindik beretinin aitty. Ótken jyldyń jazynda SOSO jumys istemegeni esimizde. Búginde qabyldanǵan sharalardyń arqasynda qaitadan ashyldy, saýda ortalyqtary men bazarlar da egý pýnktteri bar. Kásipkerler vaktsina naýqanyn arttyrýǵa kómektesip jatyr», – dedi Nariman Tabynbaev.
Onyń aitýynsha, bul biznestiń, qoǵam men memlekettiń qalypty ómir saltyna degen umtylysy. Almatyda Naýryzbai jáne Alataý aýdandary halyqqa vaktsina salý boiynsha kóshbastap tur.
Óz kezeginde Almatynyń bas sanitarlyq dárigeri Jandarbek Bekshin halyqty vaktsinaǵa yntalandyrý halyqaralyq tájiribe ekenin aitty.
«Izrail men AQSh-ta utys oiyndary uiymdastyrldy. Olar million dollarǵa deiin utystar ótkizdi. 17 el halyqty vaktsinaǵa yntalandyrý úshin osyndai sharalardy ótkizdi. Bizde skýter, turmystyq tehnika, iPhone oinatyldy. Meniń oiymsha, bul durys, óitkeni vaktsina alý qalypty ómirge oralýdyń jalǵyz joly. Árine, antivakserler ony unatpaidy. Munda túsindirý jumystary da, ekonomikalyq yntalandyrý da bolýy kerek. Bul naýqan oń nátije beredi», – dep qosty Jandarbek Bekshin.
