Almaty qalasynyń Qoǵamdyq densaýlyq saqtaý basqarmasy megapoliste koronavirýsqa qarsy qansha vaktsina qalǵanyn aitty, dep habarlaidy "Ult aqparat".
Basqarma málimetinshe, qazir Almatyda «Spýtnik V» vaktsinasynyń ekinshi komponenti jetkilikti deńgeide. Máselen, 4 transhtan – 446, 5 tarnshtan – 634, 6 transhtan – 2091, 7 transhtan – 7152 doza qalǵan.
«Qala boiynsha «Spýtnik V» vaktsinasynyń ekinshi komponenti №4 qalalyq emhanada, Mega oiyn-saýyq ortalyǵynda, №29 qalalyq emhanada jáne ózge de meditsinalyq uiymdarda bar. Ekpe salý oryndarynda vaktsinanyń biri bitip qalsa, naýqas basqa vaktsina pýnktine jiberiledi», - dep habarlady vedomstvadan.
Qala boiynsha kúnine 1200-3000 deiin adam vaktsinanyń 1 jáne 2-shi komponentin saldyrady. Basym kópshiligi vaktsinanyń 2-shi komponentin alyp jatyr. 2-shi komponenttiń qorda turǵan 13 688 dozasy 6-7 kúnge ǵana jetedi. Meditsina ortalyǵynyń kópshiliginde 30-dan 300-ge deiin ǵana doza bar.
«45 seriia boiynsha sapa jáne qaýipsizdik sertifikaty ákelindi. Sondyqtan búginnen bastap «Spýtnik V» vaktsinasy ekinshi komponentiniń 36 myń dozasy Almatynyń ekpe oryndaryna jetkiziledi»,- dep túsindirdi basqarmadaǵylar.
