Foto: Almaty ákimdigi
10 naýryz kúni keshke jaýa bastaǵan qar 11 naýryz kúni tańǵa deiin jalǵasty. «Qazgidromet» málimetine sáikes, qalada shamamen 27 sm qar tústi, dep habarlaidy Ult.kz.
Qala ákimdigi qar jaýa bastaǵan alǵashqy saǵattan bastap kommýnaldyq qyzmet kúsheitilgen rejimde jumys istep jatqanyn aitty.
Qala kóshelerinde:
- - 75 jedel brigada
- 2710 jol salasy jumysshysy
- 1225 arnaiy tehnika jumyldyrylǵan.
200-den astam sypyrý tehnikasy jolǵa kóktaiǵaqqa qarsy material seýip júr. Sebý jumystary aiaqtalǵannan keiin tehnika 28 kolonnaǵa biriktirilip, magistraldyq kóshelerdi tazalaýǵa kirisedi.
Sonymen qatar myna aýmaqtarda da tazalaý jumystary júrgizilýde:
- - trotýarlar
- qoǵamdyq kólik aialdamalary
- jerústi júrginshi ótkelderi
- baspaldaqtar men pandýstar
Sinoptikterdiń boljamynsha, 11 naýryz kúni kúndiz jaýyn-shashyn bolmaidy. Aýa temperatýrasy –6…–8°S shamasynda bolyp, keiin taǵy tómendeidi.
Qala turǵyndarynan jolda saq bolý jáne qar tazalaityn tehnikanyń jumysyna kedergi keltirmeý úshin kólikterin kóshe boiyna qoimaý suralady.
