Almatydaǵy tsement zaýytynda tótenshe jaǵdai oryn aldy. Bul týraly áleýmettik jelide ekobelsendi Saltanat Tashimova jazdy.
Almaty qalalyq ekologiia departamenti aqparatty rastady.
Departamenttiń málimetinshe, 7 maýsym kúni keshki saǵat 20.00 shamasynda Pavlodarskaia 48 kóshesinde ornalasqan óndiristik bazasynda tsement tasityn kólikten shikizatty syǵyndy ydysqa aidaý kezinde tótenshe jaǵdai oryn alǵan. Oǵan sebep - tsement tasityn mashinanyń shlangisi joǵary qysymǵa shydamai, jarylǵan.
«Ekologiia departamentiniń qyzmetkerleri tótenshe jaǵdai oryn alǵan jerge baryp, zaýyt aýmaǵynan synamalar aldy. Onyń nátijesi aýaǵa jaiylǵan shańnyń ruqsat etilgen shoǵyrlaný normativterinen asyp ketkenin kórsetti. Jospardan tys tekserý júrgiziledi. Onyń nátijesi týraly qosymsha habarlanady», - dep málim etti departamenttegiler.
Qazirgi ýaqytta, memlekettik ekologiialyq saraptamanyń 2018 jylǵy qorytyndysyn qaitaryp alý týraly sot óndirisi júrip jatyr.
«Almaty qalasy boiynsha Ekologiia departamentiniń sotqa deiin jetkizbei máseleni sheshý týraly haty negizinde qalanyń Jasyl ekonomika basqarmasy memlekettik ekologiialyq saraptamanyń qorytyndysynan aiyrý (qaitaryp alý) týraly mamandandyrylǵan aýdanaralyq ekonomikalyq sotyna talap aryzben júgindi. 2018 jylǵy 16 qarashadaǵy «Óndiristik baza» úshin shyǵaryndylar normativteri (maksimaldy ruqsat etilgen shyǵaryndylar)» jobasy boiynsha shyǵarylǵan jáne qorshaǵan ortaǵa emissiialardyń kúshin joiý talap etiledi. Qazirgi ýaqytta sot protsesteri júrip jatyr», - delingen Ekologiia departamenti taratqan habarlamada.
