Almaty politsiia departamenti tsirk aldyndaǵy sýburqaqta eki qyz ben áieldi tok urǵan oqiǵa qandai bap boiynsha tergelip jatqanyn aitty, - dep habarlaidy "Ult aqparat".
"Almaty qalasy politsiia departamenti bul derekti Bostandyq aýdany PB janyndaǵy politsiia bólimi QK-niń 306-baby 2-bóligi "Qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetterdi kórsetý" boiynsha tergeitinin habarlaidy", - dedi politsiianyń baspasóz qyzmetindegiler.
Aita keteiik, bul bap bes myń ailyq eseptik kórsetkishke deiingi mólsherde aiyppul salýdy, ne sol mólsherde túzeý jumystaryn, ne bir myń eki júz saǵatqa deiingi merzimge qoǵamdyq jumystarǵa tartýdy, ne bes jylǵa deiingi merzimge bas bostandyǵyn shekteýdi, ne úsh jylǵa deiingi merzimge belgili bir laýazymdardy atqarý nemese belgili bir qyzmetpen ainalysý quqyǵynan aiyra otyryp ia onsyz, sol merzimge bas bostandyǵynan aiyrýdy kózdeidi.
Eske salaiyq, 20 maýsymda áleýmettik jelilerde áiel men eki qyzdy sýburqaqta elektr togy urǵany týraly aqparat paida boldy.
Almaty ákimi Baqytjan Saǵyntaev bul oqiǵaǵa qatysty jazba jariialady.
