Foto: canva.com
Almatydaǵy №125 mekteptiń saitynda inkliýzivti bilim alatyn balalardyń tolyq jeke derekteri jariialanyp ketken. Bul týraly onkologiialyq diagnozy bar balanyń anasy málimdegen, dep habarlaidy Ult.kz.
Egovpress telegram arnasynyń jazýynsha tizimde oqýshylardyń aty-jónimen qatar densaýlyq jaǵdaiyna qatysty málimetter de ashyq túrde kórsetilgen.
Atalǵan jait boiynsha ata-ana politsiia men prokýratýraǵa júgingen. Nátijesinde Qazaqstan Respýblikasy Qylmystyq kodeksiniń 147-baby boiynsha qylmystyq is qozǵalǵan.
Jábirlenýshi taraptyń sózinshe, is áli kúnge deiin sotqa joldanbaǵan jáne ony jabý áreketteri jasalýda. Sonymen qatar mektep ákimshiligi jaýapkershilikti informatika pániniń muǵalimine júkteýge tyrysyp otyrǵany aityldy.
Ata-analar Qazaqstan Respýblikasynyń Bas prokýrory Berik Noǵaiuly-nan atalǵan iske shara qoldanýdy suraidy.
