Almaty ákimi Baqytjan Saǵyntaev «Saryarqa» jáne «Dostyq» beketteriniń qurylysy boiynsha kóshpeli jumys keńesin ótkizdi, dep habarlaidy "Ult aqparat".
Megapolis ákimi beketterdi abattandyrý, joldardy tóseý jáne tonnelderdi uńǵylaý jumysynyń qalai júrip jatqanyn tekserdi.
Baqytjan Saǵyntaev týyndaǵan máselelerdi jedel sheshýdi jáne tek qala ǵana emes, elimiz úshin de mańyzdy aýqymdy qurylysty aiaqtaý úshin kúsh-jigerdi biriktirýdi tapsyrdy.
Kóshpeli keńes barysynda merdigerler qala ákimin jyl sońyna deiin ekinshi bastaý keshenin tehnikalyq iske qosatynyna jáne eki beketti paidalanýǵa berýge mindettenetinine sendirdi.
Metropolitenniń birinshi jelisiniń ekinshi kezeńiniń ekinshi bastaý kesheni Abai dańǵylynyń astyna, Altynsarin dańǵylynan batysqa qarai Iassaýi kóshesine deiingi jerde ornalasqan. Keshen qýma tonnelderden jáne eki beketten – tereń qazylǵan pilon tipte jasalǵan «Saryarqa» jáne taiaz qazylǵan «Dostyq» beketterinen turady.
Jobanyń jalpy daiyndyǵy - 80%-ǵa jýyq.
Búginde «Saryarqa» beketinde árleý, abattandyrý jáne injenerlik jelilerdi tóseý jumystaryn aiaqtaý qajet.
Beket «tereń qazylǵan» túrge jatady, pilon tipti jáne bir vestibiýlden jáne eki kireberis toptan turady.
Bekette 2 lift jáne 8 eskalator qarastyrylǵan.
«Dostyq» beketinde de árleý, abattandyrý jáne injenerlik jelilerdi tóseý jumysy júrip jatyr.
Beket taiaz qazylǵan baǵanaly tipti, munda eki vestibiýl men alty kirý esigi bolady.
Mamandardyń esepteýinshe, ekinshi bastaý kesheni iske qosylǵanda kúndelikti jolaýshylar aǵyny shamamen 85 myń adamdy quraidy.
Osylaisha, metropolitendegi jolaýshylar tasymalynyń kólemi edáýir artady jáne Abai dańǵylynyń júktemesi aitarlyqtai azaiady.
