Almatyda avtokólik jolaýshylar avtobýsymen soqtyǵysty, dep habarlaidy "Ult aqparat".
Jol-kólik oqiǵasy týraly aqparat áleýmettik jelide tarady.
Politsiia departamenti habarlaǵandai, jol apaty 13 maýsym kúni saǵat 08:40 shamasynda bolǵan.
«Kia K5» markaly avtokólikti tizgindegen 1998 jyly týǵan «K» esimdi júrgizýshi Abai dańǵyly boiymen batys baǵytta Rozybakiev kóshesiniń qiylysynda kele jatyp, baǵdarshamnyń tyiym salynǵan signalyna qaramai ótip ketip, saldarynan Rozybakiev kóshesiniń boiymen soltústik baǵytta kele jatqan, «LiAZ» markaly №77 jolaýshylar avtobýsymen soqtyǵysqan. Avtobýs júrgizýshisi – 1960 jyly týǵan «Ch» esimdi azamat. Soqqy áserinen avtobýs aryqqa túsip ketti. Jol apaty saldarynan avtobýstyń bes jolaýshysy men eki kólik quralynyń júrgizýshisi zardap shekti», - dep habarlady Almaty qalasy PD Anyqtaý basqarmasynyń basshysy Oljas Sháripov.
Zardap shekkender Almaty qalasyndaǵy aýrýhanaǵa jetkizildi. Atalǵan faktini Almaly aýdany Politsiia basqarmasy tekserýde.
