Foto: ashyq derekkóz
Almaty qalasynyń prokýratýrasy málimetinshe, qalada jeke sot oryndaýshysynyń ókilettigin teris paidalaný deregi anyqtaldy, dep habarlaidy Ult.kz.
Tekserý barysynda Naýryzbai aýdany prokýratýrasy sot oryndaýshysynyń boryshkerdiń bank shotyna salynǵan tyiymdy zańsyz alyp tastaǵanyn anyqtaǵan. Atalǵan shotta qaryzdy óteýge jetkilikti qarajat bolǵan.
Osynyń saldarynan óndirip alýshyǵa 35,6 mln teńge kóleminde materialdyq shyǵyn keltirilgen.
Sot úkimimen jeke sot oryndaýshysy Qazaqstan Respýblikasy Qylmystyq kodeksiniń 251-baby boiynsha kináli dep tanylyp, 2000 AEK mólsherinde aiyppul salyndy. Sonymen qatar, ol sot oryndaýshysy qyzmetimen ainalysý quqyǵynan aiyryldy.
Aita keteiik, úkim ázirge zańdy kúshine engen joq.
