Foto: SQO Politsiia departamentiniń baspasóz qyzmeti
«103» pýltine mereke kúnderi 23 myńnan astam shaqyrtý kelip tústi, onyń 16 myńyna jedel járdem brigadalary qyzmet kórsetti. 186 brigada tartyldy, onda 500-den astam qyzmetker jumys istedi, dep habarlaidy Kazinform HAA.
Jedel meditsinalyq járdem qyzmetiniń meditsinalyq bólimi boiynsha direktordyń orynbasary Andrei Lojkinniń aitýynsha, jedel járdem qyzmetine kelip túsken shaqyrtýlardyń 10-13%-y jaraqat alǵandar boldy.
"Pirotehnikadan 19 adam zardap shekken. 55% jaǵdaida aiaq — qol jaraqattanǵan, qalǵandary bet, kóz jáne moiyn jaraqattary", — dedi Andrei Lojkin.
Mereke kúnderi qońyraýlar sanyny 5-6% - ǵa artty. Ótinishterdiń negizgi sebepteri kenetten bolatyn aýrýlar, turmystyq jaraqattar, kúiikter, ishimdikten jáne tamaqtan ýlaný.
Osyǵan deiin Densaýlyq saqtaý ministrligi Jańa jyl túni elimizde pirotehinka buiymdarynan 16 adam zardap shekkeni týraly málimdegen bolatyn.
