Almatyda vaktsinana pasportyn satqandardyń basshysy qyzmetinen aiyrylýy múmkin, dep habarlaidy "Ult aqparat".
Onlain brifing barysynda Almaty qalasy densaýlyq saqtaý basqarmasy basshysynyń orynbasary Laýra Myrzaǵali jalǵan vaktsina tólqujatyn satý faktisin boldyrmaýdyń jolyn aitty.
«Biz barlyq meditsina uiymdarynyń birinshi basshylaryna sybailas jemqorlyqqa jol bermeýdi tapsyrdyq. Ol úshin kún saiyn óz ujymyn jáne vaktsinatsiia pýnkterin tekserip, baqylaýǵa alý mindetteldi. Árbir meditsinalyq uiymnyń basshylaryna jaýapkershilik júkteldi.Qazirgi tańda bul máselege ár meditsinalyq uiymnyń basshysy jaýap beredi, iaǵni, derbes jaýapkershilik bar. Eger mundai áreketter anyqtalyp jatsa basshy atqaryp otyrǵan qyzmetinen ketýi de múmkin. Sondyqtan, olar bul týraly jaqsy biledi jáne eskertilgen», - dedi Laýra Myrzaǵali.
