Almatyda mototsikl júrgizýshisi velosipedshini qatty jyldamdyqpen qaǵyp, mert qyldy, dep habarlaidy "Ult aqparat".
Oqiǵa 27 maýsym kúni ál-Farabi dańǵyly men Shashkin kóshesiniń qiylysynda boldy.
«Mototsikl júrgizýshisi velosipedshini qaǵyp, oqiǵa ornynan qashyp ketken. 1978 jyly týǵan er adam jedel-járdem kelgenshe, oqiǵa ornynda kóz jumdy. Qazirgi ýaqytta mototsikl júrgizýshisi ustaldy. Tergeý júrip jatyr», - dep habarlady politsiiadan.
Atalǵan derek Qazaqstan Respýblikasy Qylmystyq kodeksiniń 345-baby, 3-bóligi boiynsha sotqa deiingi tergeýdiń biryńǵai tizilimine tirkeldi.
