Almaty ákimniń orynbasary Erjan Babaqumarov jeke meditsinalyq uiymdardyń basshylarymen halyqty birlesip vaktsinalaý josparyn talqylady, dep habarlaidy "Ult aqparat".
Almaty qalasy ákiminiń orynbasary Erjan Babaqumarov onlain formatta megapolis aýmaǵynda ornalasqan jeke emhanalar basshylarymen kezdesý ótkizdi.
Keńeske qalalyq qoǵamdyq densaýlyq basqarmasynyń basshysy Nariman Tabynbaev pen «Áleýmettik meditsinalyq saqtandyrý qory» KEAQ aýmaqtyq filialynyń basshysy Tileýhan Ábildaev qatysty.
Indet kezinde jáne elde úndi shtamy ainalymynyń aǵymdaǵylardan 2 ese qaýipti ekenin eskere otyryp, qalalyq shtab halyqty vaktsinalaý jumysyn kúsheitedi.
Erjan Babaqumarov Almatyda juqtyrýdyń jańa tolqynyn boldyrmaý úshin ujymdyq immýnitettiń qalyptastyrýdy jedeldetýge nazar aýdardy
«Basty maqsat – qala turǵyndarynyń densaýlyǵy men ekonomikanyń jumys isteýiniń jalǵyz qorǵany bolyp tabylatyn vaktsina júrgizýdi jedeldetý. Búginde halyqtyń 30%-da ujymdyq immýnitet qalyptasqan, aldaǵy mindet – 70-75% qamtý. Vaktsinalaý qarqynyn tómendetýge bolmaidy; bul COVID-19 jappai juǵýynyń aldyn alýǵa jáne almatylyqtardyń ómiri men densaýlyǵyn qorǵaýǵa múmkindik beredi», — dedi qala ákiminiń orynbasary.
Aita keterligi, «Halyqtyń densaýlyǵy men densaýlyq saqtaý júiesi týraly» QR Kodeksine sáikes, meditsinalyq kómek kórsetetin densaýlyq saqtaý sýbektileri ózgelerge qaýip tóndiretin aýrýlardyń aldyn alý boiynsha is-sharalar ótkizýge mindetti.
Vaktsina - infektsiianyń aldyn alýdyń jáne boldyrmaýdyń quraly.
Ujymdyq immýnitet óz kezeginde meditsinalyq qarsy kórsetkishteri bar ekpe almaǵan adamdardy, balalardy, júkti áielderdi halyqtyń infektsiiaǵa qarsy profilaktikalyq ekpemen qamtýdyń shekti deńgeiine jetý arqyly qorǵaidy.
Eske salaiyq, Almatyda 23 maýsymdaǵy jaǵdai boiynsha barlyǵy 386 myńnan astam adam, al táýlik ishinde 5840 adam ekpe aldy.
Qalada meditsinalyq uiymdarda, mektepterde, mádeniet, sport nysandarynda, bazar men qalanyń SOSO-da 211 vaktsina pýnkti jumys isteidi.
