Almatyda COVID-19-qa qarsy vaktsinatsinadan bosatylǵan 350 myń adamǵa qatysty másele qaita qaralady. Bul týraly Almaty ákimi Baqytjan Saǵyntaev «Almaty» telearnasynda tikelei efir kezinde aitty, dep habarlaidy "Ult aqparat".
«Almatyda 2 mln turǵyn bar. Onyń 1,1 mln vaktsinatsiiaǵa jatady, 900 myń adam qalady. 545-550 myńy 18 jasqa deiingi balalar. 350 myńy vaktsinadan bosatylǵandar. Iaǵni, olardyń vaktsinadan bosatyldy degen meditsinalyq anyqtamalary bar», - deidi ákim.
Baqytjan Saǵyntaevtyń aitýynsha, vaktsina salýdan bosatylǵandar qaita qaralady.
«Dál sol ýaqytta ol adamdar syrqattanyp qalǵan shyǵar, ártúrli sebepteri boldy. Endi biz barlyq jaǵdaidy qaita qarastyramyz dep oilaimyn. Sebebi 350 myń adam – bul tym kóp. Múmkin, olar qazir ekpe saldyrýǵa daiyn bolar», - dedi Almaty ákimi.
