Almatyda jappai vaktsinalaý bastalǵaly beri 296 296 adam koronavirýsqa qarsy ekpe aldy. Mundai derekti óńirlik kommýnikatsiialar qyzmetiniń baspasóz konferentsiiasy barysynda Almaty qalasynyń sanitarlyq-epidemiologiialyq baqylaý departamentiniń basshysy Jandarbek Bekshin keltirdi, dep habarlaidy "Ult aqparat".
Jandarbek Bekshin vaktsinalaý qarqynyn kúsheite túsý kerektigin atap ótti. Ol úshin Almatyda barlyq jaǵdailar jasalǵan, koronavirýsqa qarsy egiletin úsh vaktsina halyqtyń suranysy boiynsha qamtamasyz etilgen.
Búginde Almatyda meditsinalyq uiymdarda, mektepterde, mádeniet, sport nysandary men qalanyń SOO-da 211 vaktsinatsiia pýnkti bar. 1256 adamnan turatyn 307 egý brigadasy jumyldyryldy.
Qazir Almatyda vaktsinanyń I komponentiniń 32 614 dozasy, II komponentiniń 109 673 dozasy qaldy.
Jandarbek Bekshin koronavirýspen aýyrǵandardyń jasyna qarai quramyna kúndelikti taldaý júrgiziletinin aitty.
«Aýrý deńgeii 40-59 jastaǵy azamattar arasynda 1,1%-ǵa jáne 60 jastan joǵary adamdarda 0,9%-ǵa tómendegen. Alaida 20-dan 40 jasqa deiingi jastar arasynda úles salmaǵy 1,7%-ǵa ulǵaiǵan, bul jastaǵylar kóp jaǵdaida basqalarǵa qaraǵanda koronavirýsqa qarsy ekpeni alý qajettigin elep-eskermeidi», - dep atap ótti ol.
