Almaty qalasynda bir táýlikte 1 993 adam koronavirýsqa qarsy vaktsina saldyrdy, dep habarlaidy "Ult aqparat".
Basqarma taratqan málimetke sáikes, 1 maýsym kúni 1 903 almatylyq vaktsina saldyrdy. Biylǵy jyldyń 1 aqpany men 1 maýsym aralyǵynda qalada barlyǵy 307 981 adamǵa ekpe salyndy.
Qalada 212 pýnkt jumys istep tur. 1 256 adamnan turatyn 307 egý brigadasy bar. Sonymen qatar, 40 kóshpeli mobildi brigada uiymdastyryldy.
«Qazirgi meditsinalyq uiymdarda, mektepterde, mádeniet, sport obektilerinde, bazarlar men qalanyń SOSO-da vaktsinatsiia pýnkti jumys isteidi» - dep naqtylady Qoǵamdyq densaýlyq saqtaý basqarmasy.
Aita keteiik, 1 maýsym kúni Qytai elinen CoronaVac vaktsinasynyń 500 myń dozasy Almatyǵa jetkizildi .
CoronaVac vaktsinasyn Qazaqstan aýmaǵynda qoldanýǵa QR Densaýlyq saqtaý ministrligi maquldaǵan.
Ol elde qoldanylyp júrgen QazVac, «Spýtnik V» jáne Hayat Vax vaktsinalarynyń tizbesin tolyqtyrady.
