Almatyda ekpe pýnktteriniń jumys sapasyn jáne vaktsinalaý tehnologiiasynyń saqtalýyn baqylaityn arnaiy jumys toptary quryldy, dep habarlaidy "Ult aqparat".
Almaty qalasy ákiminiń orynbasary Erjan Babaqumarov aýmaqtyq sanitarlyq-epidemiologiialyq baqylaý departamentiniń basshysy, megapolistiń bas memlekettik sanitarlyq dárigeri Jandarbek Bekshinmen jáne qalalyq Qoǵamdyq densaýlyq basqarmasy basshysynyń orynbasary Laýra Myrzaǵalimen birge COVID-19 qarsy vaktsinalaý pýnktteriniń jumysyn jáne qoǵamdyq oryndardaǵy shekteý sharalarynyń saqtalýyn tekserdi.
Negizgi maqsat - úndilik «delta» shtammynyń tsirkýliatsiiasy aiasynda epidemiologiialyq ahýaldyń nasharlaýy saldarynan qalalyqtardyń ómiri men densaýlyqtaryn qorǵaý úshin vaktsinalaý qarqynyn arttyrý.
Emhanalarda, saýda oiyn-saýyq ortalyqtarynda, ýniversitetter men megapolistegi bazarlarda ornalasqan vaktsinatsiia pýnktterin aralady. Olardyń ishinde, ál-Farabi atyndaǵy QazUÝ aýmaǵyndaǵy Smart helth city, Almaty Mall SOSO, «Máskeý» SOSO jáne basqa vaktsinalaý pýnktteri.
Vaktsinalaý pýnktterindegi sanitarlyq normalardyń saqtalýyna, vaktsinanyń tiimdiligine áser etetin sýyq tizbek rejimin saqtaýǵa nazar aýdaryldy. Qalanyń barlyq aýdandaryndaǵy 208 egý pýnktinde vaktsinaǵa arnalǵan sanitarlyq erejeler talaptarynyń saqtalýyn tekserý úshin jumys toptary quryldy.
Almaty Mall saýda-oiyn-saýyq ortalyǵyndaǵy vaktsinatsiia pýktiniń qyzmetin tekserý barysynda №18 qalalyq emhananyń terapevti Symbat Berdibek ekpe saldyrýǵa niet bildirgender qatarynyń artýy qalalyqtardyń virýstyń qaýpi týraly jaqsy habardar ekendikterin jáne almatylyqtardyń áleýmettik jaýapkershilikteriniń óskenin kórsetetinin atap ótti.
«Turǵyndar tarapynan qyzyǵýshylyq óte joǵary, kún saiyn bizge vaktsina alý úshin 200 - 250 adam keledi, qazirgi kezde biz 4 myńǵa jýyq adamǵa vaktsina saldyq. Vaktsinalar muzdatqysh kameralarda saqtalady, mysaly, «Spýtnik V» vaktsinasynyń dozalary -18 den -24 deiingi temperatýrada, qazaqstandyq vaktsina +2 +8 gradýs Tselsiide saqtalady», - deidi №18 qalalyq emhananyń terapevti Symbat Berdibek.
Jumys toby sonymen birge qala ashanalarynyń biri Qaganat-qa bardy, tekserý kezinde sanitarlyq normalar buzyldy – kelýshiler maska rejimin, áleýmettik araqashyqtyqty saqtamady.
Almaty qalasy ákiminiń orynbasary Erjan Babaqumarov jumys saparynyń qorytyndysy boiynsha onlain formatta qalanyń meditsinalyq uiymdarynyń basshylarymen, sondai-aq aýdan ákimdikteriniń basshylyǵymen turǵyndarǵa meditsinalyq qyzmet kórsetý sapasy men jumysyna bailanysty keńes ótkizdi.
Aýdan ákimdikterine meditsinalyq uiymdarmen birge aqparattyq-túsindirý jumystaryn kúsheitýdi tapsyrdy.
Mysaly, saýda-oiyn-saýyq ortalyǵy men SÚ-ǵa baratyn azamattar ǵimaratqa kirgen sátten bastap COVID-19-qa qarsy vaktsinatsiia múmkindigi týraly habardar bolýy jáne vaktsina alýdyń mańyzdylyǵy týraly tiisti aqparatty kórýi kerek.
Megapolistegi epidemiologiialyq ahýal mýtatsiialanǵan «delta» shtammynyń saldarynan ýshyǵýda. Sońǵy aptada koronavirýspen aýrýshańdyq 1,7 esege ósti.
Almaty qalasynyń ákimdigi qalalyqtardy epidemiologiialyq qaýipsizdik erejelerin saqtaýǵa shaqyrady: maska kiiýge, áleýmettik araqashyqtyqty saqtaýǵa, adamdar kóp shoǵyrlanǵan jerlerge barýdan bas tartqan jón. KVI-da qorǵanys pen baqylaýdyń jalǵyz ádisi vaktsinatsiia.
