Belgili bir salalarda qyzmetkerlerdiń vaktsina alǵany kadr bólimi arqyly tekseriletin bolady. Bul týraly Almaty qalasynyń bas sanitarlyq dárigeri Jandarbek Bekshin aitty, dep habarlaidy QazAqparat.
«Tekserýdi aýrýhana epidemiologtarynyń ózderi júrgizedi, bizde de baqylaý pýnktteri bar. 15 shildeden keiin monitoringtik toptardyń jumysy bas sanitariialyq dárigerdiń barlyq kontingentti vaktsinalaý týraly 31-shi qaýlysynyń oryndalýyn baqylaýǵa baǵyttalady. Árine, ishinara tekserister bolady», - dedi Jandarbek Bekshin.
Sonymen qatar, ol qyzmetkerlerdiń vaktsina alǵanyn nemese almaǵanyn qalai tekserýge bolatynyn aitty.
«Kez kelgen mekemeniń kadr bólimi bar, qyzmetkerlerdiń tizimi bar, málimetter bazasyn qaraýǵa bolady. Barlyq qyzmetkerdi jeke tekserý bolmaidy, jumystaryna kedergi jasalmaidy. Tsifrlyq tehnologiialarymyz bul jumysty júrgizýge múmkindik beredi», - dedi ol.
Onyń aitýynsha, eger bir kompaniianyń eldiń bas sanitariialyq dárigeriniń buiryǵyn oryndamaityny anyqtalsa, onda onyń jumysyn toqtatýǵa deiingi sharalar qoldanylady. Biraq aldymen túsindirý jumystary júrgiziledi.
