Almatyda vaktsina alǵan turǵyndar arasynda 100 myń teńgeniń aqshalai sertifikattary oinatyldy, dep habarlaidy "Ult aqparat".
Is-shara 14 maýsym kúni «MART» saýda ortalyǵynda ótti.
Vaktsinanyń birinshi komponentin alǵandar 10 myń men 100 myń teńge somasynda aqshalai sertifikattar alý úshin baq synasty.
«KazFerroStal» JShS direktorynyń orynbasary Tólegen Tájibaev zaýyt jumysshylarynyń basym bóligi óz erkimen koronavirýsqa qarsy ekpe alǵanyn aitty.
«Indetti toqtatý kerek. Barlyǵyna vaktsina qajet, bul – árkimniń ózi jáne basqalar úshin jaýapkershiligi. Ujymdyq immýnitetti qalyptastyryp, virýsty joiý qajet. Sondyqtan barlyǵynyń vaktsina saldyrýǵa qatysýy óte mańyzdy», - dedi Tólegen Tájibaev.
Bas júldeni - 100 myń teńgeniń sertifikatyn J. Shaihiev aldy, 10 myń teńgeniń sertifikattaryn A. Turǵanbaeva, J. Qalieva, J. Kýtýlýkov, E. Jaqsylyqov jáne A. Kamal jeńip aldy.
«Koronavirýs – óte qaýipti aýrý. Kóptegen tanystarym aýyrdy. Sondyqtan men vaktsina alamyn, óitkeni óz densaýlyǵyma alańdaimyn. Vaktsina alǵan kezde maǵan syilyqtar beretinin aitty, júldeli bolamyn dep oilamadym», - dedi qala turǵyny.
