Foto: polisia.kz
Almaty politsiiasy urlanǵan telefondardy satyp alýmen ainalysqan azamatqa qatysty jańa epizodtardy anyqtady, - dep habarlaidy Ult.kz Polisia.kz-ke silteme jasap.
Almaty qalasynyń kriminaldyq politsiia qyzmetkerleri buryn ustalǵan, urlanǵan uialy telefondardy satyp alyp otyrǵan azamatqa qatysty qylmystyq is boiynsha tergeý jumystaryn jalǵastyrýda. Onyń ustalǵany týraly alǵash ret bir aidan astam ýaqyt buryn habarlanǵan bolatyn.
Qazirgi ýaqytta atalǵan azamat qamaýǵa alyndy. Tergeý barysynda onyń alty birdei urlyq deregine qatysy bary dáleldendi. Tekserý kezinde keibir jábirlenýshilerdiń uialy telefondarynyń joǵalǵany týraly politsiiaǵa aryzdanbaǵany anyqtaldy. Soǵan qaramastan jedel qyzmetkerler júrgizgen jumys nátijesinde urlanǵan mobildi qurylǵylar tabylyp, zańdy ielerine qaitaryldy.
– Urlyq tizbegindegi deldaldardy anyqtaý jáne olarmen jumys júrgizý – asa mańyzdy baǵyttardyń biri. Bul jaǵdai azamattar uialy telefondarynyń joǵalǵany týraly politsiiaǵa júginbegenniń ózinde de quqyq buzýshylyqtardy anyqtap, urlanǵan múlikti zańdy ielerine qaitarý boiynsha júieli jumys júrgizilip jatqanyn kórsetti. Ustalǵan azamattyń alty epizodqa qatysy dáleldendi. Tergeý amaldary jalǵasýda, – dedi Almaty qalasy politsiia departamenti Kriminaldyq politsiia basqarmasynyń bastyǵy Ashat Daýletiiarov.
Qazirgi ýaqytta jedel qyzmetkerler zańsyz áreketterdiń barlyq epizodtaryn anyqtaý jáne jábirlenýshilerdiń tolyq sheńberin belgileý maqsatynda keshendi is-sharalardy jalǵastyryp jatyr.
