Almatynyń bas memlekettik sanitar dárigeri Jandarbek Bekshin onlain brifing barysynda úndi shtamyna bailanysty qalada jańa shekteýler engizilýi múmkin ekenin aitty, dep habarlaidy "Ult aqparat".
«Qazirgi ýaqytta búkil jerde engiziledi. Biraq biz Qazaqstannyń bas memlekettik sanitariia dárigeriniń qaýlysyn kútip otyrmyz. Bárimiz bilemiz, 22 maýsymda vedomstvoaralyq komissiia basshysy bas sanitar dárigerge halyqqa qyzmet kórsetý salasyndaǵy adamdarǵa mindetti vaktsina salýǵa qatysty shara qabyldaýdy tapsyrdy», - dedi ol.
Jandarbek Bekshin qaýipti indetti juqtyrýǵa bolatyn negizgi oryndardy atady.
«Qala turǵyndarynyń 28% - sýper-gipermarketterde, 5% - SOSO men saýda úilerinde, 3% - azyq-túlik satpaityn dúkenderde juqtyrǵan. Qoǵamdyq kólikte koronavirýs juqtyrý yqtimaldyǵy - 17%, bazarda - 12%, tamaqtaný oryndarynda - 7%, saiabaqtar men jaiaý júrginshiler kóshesinde adamdardyń jinalýy 4% baiqalady», - dedi ol.
Bul rette Jandarbek Bekshin Ashyq nysandarynda juqtyrý jaǵdaiy tirkelmegenin aitty.
Almaty qalasynyń sanitar dárigerleri men epidemiologtarynyń aitýynsha, qaýipti aimaqta 20-38 jas aralyǵyndaǵy turǵyndar tirkelgen.
Bul jas tobynda 38% infektsiia tirkelgen, bul olardyń arasynda erikti vaktsinalaý belsendiliginiń tómendigin kórsetedi.
40 pen 60 jas aralyǵyndaǵy almatylyqtardyń 25%-y da infektsiiaǵa beiim, al 70 jastan asqan adamdar indet juqtyrǵandardyń 20%-yn quraidy.
Sonymen qatar, ol Almatynyń «jasyl» aimaqqa ótýi úshin halyqqa epidemiiaǵa qarsy sharalardy qatań saqtaý qajet ekenin atap ótti.
«Betperdeni durys taǵý kerek, ásirese qoǵamdyq orynda, sonyń ishinde qoǵamdyq kólikte áleýmettik qashyqtyqty saqtaý kerek. Ujymdyq immýnitetti qalyptastyrý úshin belsendi túrde vaktsina alyńyz. Kópshilik is-sharalarǵa, sonyń ishinde toi men basqa da otbasylyq merekelerge qatyspaý ári uiymdastyrmaý kerek. Eń bastysy, epidemiologiialyq ahýaldyń «qyzyl» aimaǵyndaǵy óńirlerge shyqpaǵan jón», – deidi Almaty qalasynyń bas sanitar dárigeri.
