Almatyda koronavirýstyń jańa «úndi» shtamy bar patsientter qalai emdelip jatyr. Bul týraly onlain-brifing barysynda Almaty qalasy Qoǵamdyq densaýlyq basqarmasynyń basshysy Nariman Tabynbaev aitty, dep habarlaidy "Ult aqparat".
«Koronavirýstyń «Úndi» shtamymen aýyrǵanda uzaq ýaqyt boiy temperatýra túspeidi. Naýqastyń estý qabileti joǵalýy múmkin. Búgingi tańda naýqastardy emdeý burynǵydai júrip jatyr. Densaýlyq saqtaý ministrligi emdeýdiń arnaiy hattamasyn bekitken joq», - dep atap ótti qalalyq densaýlyq saqtaý basqarmasynyń basshysy.
Esterińizge sala keteiik, buǵan deiin Jandarbek Bekshinniń orynbasary Sádýaqas Baiǵabylov Almatyda koronavirýstyń Úndi shtamy ainalymynyń yqtimaldyǵyn anyqtaǵanyn aitqan bolatyn.
Qalanyń bas sanitarlyq dárigeri atap ótkendei, virýs juqtyrǵandar sanynyń kúrt ósýine bailanysty mýtatsiiaǵa ushyraǵan shtamdarǵa zertteýler júrgizildi.
«Nátijesinde KVI naýqastarynan alynǵan 131 úlginiń 77-si «alfa» - Britandyq shtamdar jáne 46 úlgide «delta» - Úndi shtamdary anyqtaldy. Sonymen qatar, eki «gamma» - Ońtústik Afrika shtamdary jáne Niý-Iorktik bir «betta» shtammy tirkeldi», - dep naqtylady Bekshin.
2021 jyldyń 26 maýsymynan bastap Almaty «qyzyl» aimaqqa kirdi.
Megapolistegi epidemiologiialyq jaǵdai «delta» shtamynyń taralýyna bailanysty qiyndady.
Qalanyń bas sanitarlyq dárigeri koronavirýstyń tórtinshi tolqynynyń paida bolýy múmkin ekenin málimdedi.
