Foto: polisia.kz
Almatyda túzeý ortalyǵynyń qyzmetkeri qamaýǵa alyndy, - dep habarlaidy Ult.kz Polisia.kz-ke silteme jasap.
Buǵan deiin habarlanǵandai, Almaty qalasy Almaly aýdandyq politsiia basqarmasy túzetý ortalyqtarynyń biriniń qyzmetkeri tarapynan jasalǵan quqyqqa qarsy áreketter faktisi boiynsha qylmystyq is qozǵady.
Jedel-tergeý is-sharalary barysynda kúdikti ustalyp, ýaqytsha ustaý izoliatoryna qamaldy. Qazirgi ýaqytta oqiǵanyń barlyq mán-jaiyn jan-jaqty jáne obektivti anyqtaýǵa baǵyttalǵan tergeý áreketteri júrgizilýde. Beinebaqylaý kameralarynyń jazbalary zerdelenip, kýálar men iske qatysy bar ózge de tulǵalardan jaýap alynýda.
Tergeý barysy Almaty qalasy politsiia departamenti basshylyǵynyń erekshe baqylaýynda.
Tergeý qorytyndysy boiynsha kúdiktiniń áreketterine Qazaqstan Respýblikasynyń zańnamasyna sáikes quqyqtyq baǵa beriletin bolady.
