Almatyda Hyundai júrgizýshisi trotýarda eki áieldi qaǵyp ketti, dep habarlaidy "Ult aqparat".
Bul týraly aqparat áleýmettik jelide paida boldy.
Jeli qoldanýshynyń aitýynsha, oqiǵa 1 maýsym kúni keshki saǵat 18.15-te «Altyn orda» turǵyn úiiniń mańynda Hodjanov kóshesiniń boiynda onyń áieli men áriptesin kólik qaǵyp ketken.
«Olar joldyń shetindegi trotýarda kele jatqan. Olardy aq tústi Hyundai kóligi kelip soqqan. Bireýi birneshe metr jerge ushyp ketti, ekinshisi dýal men kóliktiń ortasynda qysylyp qalǵan», - dedi jazba avtory.
Almaty politsiia departamenti basshysynyń orynbasary Rýstam Ábdirahmanov oqiǵanyń mán-jaiyn Bostandyq aýdandyq PB tekserip jatqanyn málim etti.
«Buǵan deiin zardap shekkenderdiń densaýlyǵyna keltirilgen ziiannyń aýyrlyǵyn anyqtaý úshin barlyq qajet saraptamalyq zertteý taǵaiyndalǵan bolatyn. Zertteý nátijeleri áli shyqqan joq» , - dedi Rýstam Ábdirahmanov.
Politsiia basshysynyń orynbasarynyń aitýynsha, bul derek boiynsha túpkilikti protsessýaldyq sheshim qabyldanǵan joq.
