Almatyda triatlonnan QR chempionatynyń ótýine bailanysty birneshe kóshe jabylady, dep habarlaidy "Ult aqparat".
Almaty ákimdigi men Almaty triatlon federatsiiasy 12-13 kúnderi triatlonnan el chempionatynyń ótýine bailanysty Sairan kóli mańyndaǵy birneshe kóshe ýaqytsha jabylatynyn málim etti.
12 maýsym kúni saǵat 7.00-den 16.00 aralyǵynda Tóle bi kóshesiniń Ótegen batyr men Tilendiev kóshesi (ońtústigi) aralyǵyndaǵy qozǵalys avtokólik úshin shekteledi. Kólikter joldyń tek soltústik jaǵymen júre alady.
Al, Ótegen batyr kóshesiniń Tólebiden Qýanyshbaev kóshesine deiingi aralyǵy túgeldei jabylady.
13 maýsym kúni saǵat 8.00-den 12.00 aralyǵynda Tóle bi kóshesiniń Ótegen batyr men Tilendiev kóshesi (ońtústigi) aralyǵynda qozǵalys avtokólik úshin shekteledi. Kólikter tek soltústik jaǵymen júre alady.
Ótegen batyr kóshesiniń boiy Tóle biden Qýanyshbaev kóshesine deiingi aralyqta eki jolaqta túgeldei jabylady.
«Triatlonnan QR chempionaty Almatyda jyl saiyn ótedi. Oǵan bizdiń azamattar ǵana emes, sheteldikter jáne Ortalyq Aziia sportshylary qatysady. Mundai aýqymdy shara kezinde kósheni jabý álemdik tájiribede bar. Biz kólik qozǵalysyn qiyndatpaý úshin jarys alańyn kishireitip, kósheni jabý ýaqytyn azaitýǵa tyrystyq. Buǵan turǵyndar túsinistikpen qaraidy degen oidamyz», - delingen uiymdastyrýshylar taratqan málimette.
