Foto: ashyq derekkóz
Almatydaǵy №4 qalalyq klinikalyq aýrýhana bazasynda óńirlik travmatologiia jáne ortopediia ortalyǵy qurylmaq, dep habarlaidy Ult.kz.
Jańa ortalyqta aýyr jaraqat alǵan naýqastarǵa jedel járdemnen bastap ońaltýǵa deiin tolyq tsikldi joǵary tehnologiialyq meditsinalyq kómek kórsetiledi. Jyl saiyn munda 19 myńnan astam adam em alyp, 12 myńǵa jýyq ota jasalady. 2025 jyly 2250 iri býyn endoprotezdeý operatsiiasy oryndalyp, rekordtyq kórsetkish tirkelgen.
Ortalyq tek emdeý emes, sonymen qatar ǵylymi-zertteý, bilim berý jáne aldyn alý baǵyttaryn qamtyp, mamandardyń biliktiligin arttyrýmen ainalysady. Bul joba ońtústik óńirdegi travmatologiialyq kómektiń sapasyn arttyrýǵa jáne júiesin úilestirýge múmkindik beredi.
Joba Almaty qalasy ákimdigi men Densaýlyq saqtaý ministrliginiń qoldaýymen júzege asýda. Sarapshylardyń aitýynsha, aýrýhananyń materialdyq-tehnikalyq bazasy men kadrlyq áleýeti mundai ortalyq qurýǵa tolyq sáikes keledi.
Aita keteiik, ortalyqty ashý aiasynda halyqaralyq mamandardyń qatysýymen ǵylymi-tájiribelik konferentsiia ótip, Qazaqstan men Resei klinikalary arasynda áriptestik týraly memorandýmǵa qol qoiyldy.
