Foto: QR MAM
2 sáýir kúni saǵat 15:00-de Almatydaǵy Ábilhan Qasteev atyndaǵy Qazaqstan Respýblikasynyń Ulttyq óner mýzeiinde «Tańbaly» memlekettik tarihi-mádeni jáne tabiǵi mýzei-qoryǵy uiymdastyrǵan «Tańbaly: Babalar kody» atty halyqaralyq kórmeniń ashylý rásimi ótedi, dep habarlaidy Ult.kz.
Kórme – «Tańbaly» mýzei-qoryǵy men fotosýretshi Vladislav Kimniń birlesken jobasy. Ekspozitsiia Tańbaly petroglifterin zamanaýi óner men tsifrlyq tehnologiialar arqyly jańa qyrynan tanystyrýdy maqsat etedi. Jobanyń basty ustanymy – aýtenttilikti saqtaý jáne túpnusqany qorǵaý.
Art-obektide ejelgi petroglifter «babalar kody» retinde usynylady.
Bul – kóne dúnietanym men mifologiiany, tabiǵat pen ǵarysh týraly bilimdi jetkizetin erekshe simvoldyq til. Immersivti mýltimediialyq sheshimder kelýshilerge kieli keńistiktiń erekshe atmosferasyn tereńirek sezinýge múmkindik beredi. Sondai-aq, kelýshilerge kórme katalogy men petroglifter negizinde ázirlengen avtorlyq sývenirlik ónimder usynylady.
Kórmeniń ashylýyna Almatydaǵy IýNESKO-nyń óńirlik ókilderi, jartas ónerin zertteitin sheteldik jetekshi mamandar, Búkilálemdik mura nysandarynyń basshylary, sondai-aq otandyq arheologtar, tarihshylar, etnologtar, mádeniettanýshylar, mýzei salasynyń mamandary, jalpy orta jáne joǵary bilim berý uiymdary men biznes qaýymdastyq ókilderi qatysady dep kútilýde.
Kórme «Jartas sýretterin vitrinasyz usyný: jartas ónerin tanystyrý jáne keńinen nasihattaýdyń zamanaýi tásilderi» atty halyqaralyq ǵylymi-tájiribelik konferentsiiamen qorytyndylanady.
