Almatydaǵy sýburqaqta toq soqqan segiz jáne on jasar eki qyz aýrýhanadan shyqty. Bul týraly qalalyq densaýlyq saqtaý basqarmasynyń baspasóz qyzmeti málim etti, dep habarlaidy "Ult aqparat".
«Segiz jáne on jasar qyzdyń jaǵdaiy jaqsaryp, búgin úiine shyqty. Odan ári olardy úide baqylaityn bolady. Túsken kezde olarǵa elektr jaraqaty, ekeýine de birinshi dárejeli kúiik diagnozy qoiylǵan bolatyn», - deidi Balalarǵa shuǵyl kómek kórsetý ortalyǵy bas dárigeriniń orynbasary Alýa Jeksenova.
Eske sala keteiik, 19 maýsym kúni Almaty tsirki mańyndaǵy fontanda birneshe adamdy toq soqty.
Keiinnen ákimdik atalǵan oqiǵanyn mán-jaiyn túsindirdi.
Sonymen qatar, «Eco Almaty» JShS basshysy Janna Asanova, ol jerde «Shomylýǵa tyiym salynady!» degen eskertý taqtashasy ornatylǵanyn atap ótti.
Almaty ákimi oqys oqiǵaǵa qatysty politsiia tergeý júrgizip jatqanyn málim etti.
Dárigerler munyń aldynda fontanda tok soqqan 28 jastaǵy naýqastyń jaǵdaiy aýyr ekenin aitqan bolatyn.
