Qazaq memlekettik tsirki ǵimaratynyń janyndaǵy sýburqaqta keshe úsh adamdy toq soqty. Osyǵan bailanysty ákimdik mán-jaidy túsindirdi, dep habarlaidy "Ult aqparat".
«Oqiǵa bolǵan kúni sýburqaq qalypty rejimde jumys istegen. Kúnniń birinshi jartysynda kezekshi tehnikalyq maman birneshe ret sýburqaq tostaǵyn tazalap, jumys istep turǵan sýburqaqtyń ishindegi qondyrmasyn (aǵyndardy) retteý boiynsha jumys istegen, bul atalǵan oqiǵa bolǵanǵa deiin sýburqaq jabdyǵynyń tutastyǵy men qaýipsizdigin rastaidy», - dep habarlady Almaty qalasy Jasyl ekonomika basqarmasynan .
Basqarma málimetinshe, sýbýrqaqqa tekserý jumystary júrgizildi.
«20 maýsym kúni Almaty qalasy Jasyl ekonomika basqarmasy, ShJQ «Almatyqalajaryq» MKK jáne «Eko Almaty» JShS ókilderiniń qatysýymen sýburqaqqa baryp, birlesken tekserý jáne zertteý júrgizildi. Onyń barysynda sýburqaq jabdyǵynyń jumysyndaǵy aqaýdy rastaityn tehnikalyq buzýshylyqtar anyqtalmady», - delingen habarlamada.
