Foto: MAM
Almatydaǵy QR Ulttyq kitaphanasynda «Shalqar» radiosynyń 60 jyldyǵyna arnalǵan saltanatty jiyn ótti. Is-shara aiasynda mereitoiǵa orai jaryq kórgen «Ulttyń únbairaǵy» atty kitap tanystyryldy, dep habarlaidy Ult.kz.
Is-sharaǵa Qazaqstan Respýblikasy Prezidentiniń keńesshisi Málik Otarbaev, QR Mádeniet jáne aqparat birinshi vitse-ministri Qanat Ysqaqov, radio salasynyń ardagerleri men qyzmetkerleri, ziialy qaýym ókilderi qatysty.
Saltanatty jiynda Memleket basshysynyń quttyqtaý haty oqyldy. Sonymen qatar, radionyń damýyna úles qosqan ardagerler men qyzmetkerlerge marapat tabystaldy.
Budan bólek, mereitoi aiasynda qazaqtyń tuńǵysh radiodiktory, Qazaq radiosynyń ardageri, Qazaq KSR-niń eńbek sińirgen mádeniet qyzmetkeri Mina Seiitova atyndaǵy diktorlar baiqaýy jariialandy. Baiqaý sharttary týraly tolyq aqparatpen «Shalqar» radiosynyń saitynan tanysýǵa bolady.
Aita keteiik, naýryz aiynyń basynda Almaty qalasyndaǵy «Radio úii» ǵimaratynda tolyq jóndeýden ótken stýdiia ashylyp, oǵan qazaqtyń tuńǵysh radiodiktory Mina Seiitovanyń esimi berildi.
