Foto: QR Densaýmin
Almatyda Qazaqstan meditsinasynyń tarihynda alǵash ret shala týylǵan nárestelerge erte bastan vitrektomiia jasaý – sábilerdiń kórý qabiletin máńgilikke joǵaltpaýǵa múmkindik beretin joǵary tehnologiialyq operatsiia boiynsha halyqaralyq sheberlik synyby ótti, dep habarlaidy Ult.kz.
Sheberlik dárisi Balalarǵa jedel meditsinalyq kómek kórsetý ortalyǵynda (Almaty q.) shala týylǵan náresteler retinopatiiasynyń aýyr túrlerin emdeýge mamandanǵan álemge áigili úndi oftalmologiialyq hirýrgy, doktor Nihil Paldyń qatysýymen ótti. Tórt kún ishinde onyń jetekshiligimen dárigerler brigadasy Qazaqstannyń 12 oblysynan kelgen 14 balaǵa 20 ota jasady. Eń kishkentai naýqastyń jasy nebári – 2,5 ailyq.
Sheberlik dárisiniń ózekti taqyryby balalar oftalmologiiasyndaǵy eń kúrdeli de qorqynyshty diagnozdardyń biri: shala týǵandardyń retinopatiiasy (RN) boldy.
Qazaqstanda jyl saiyn 22 myńnan astam shala týǵan náreste dúniege kelse, olardyń 4 myńǵa jýyǵy retinopatiia qaýpimen betpe bet keledi.
«Sońǵy jyldary retinopatiia Qazaqstanda sábiler soqyrlyǵynyń naǵyz indetine ainaldy. Bul kún saiyn emes, saǵattap órshitin aýrý. Eger keshiktirseńiz, bala anasynyń júzin eshqashan kórmei ótýi múmkin», - deidi elimizdiń jetekshi balalar oftalmology Ásel Sháripova.
Sońǵy 10 jylda osy máselede Qazaqstanda aitarlyqtai jetistikterge qol jetkizildi: erte diagnostikalyq hattamalar engizildi, 40-tan astam oftalmolog oqytyldy, aimaqtyq brigadalar quryldy. Biraq, osy ýaqytqa deiin aýyr, terminaldy kezeńderde balalardy emdetý úshin shetelge barýǵa májbúr boldy, óitkeni elimizde eń kúrdeli vitrektomiia otasy jasalmaityn.
Buryn balalar kórý qabiletin qaitarý úshin osyndai kúrdeli aralasýlar jasaý úshin shetelge jiberiletin. Endigi jerde, sheberlik sabaǵynyń arqasynda mundai kómek Qazaqstanda da qoljetimdi bolyp otyr.
Sheberlik dárisi aiasynda Astana, Shymkent jáne Almaty qalalarynan 10 otandyq dáriger biliktiligin arttyrdy.
Operatsiialardan bólek, mamandar oftalmologiialyq kómek júiesin damytý, qazaqstandyq dárigerlerdi oqytý máselelerin, sondai-aq balalar oftalmologiiasy men meditsinalyq týrizm salasyndaǵy halyqaralyq yntymaqtastyq keleshegin de talqylady.
