Almatyda Quryltai sailaýynda daýys berý kúni sailaý ýchaskeleriniń janynda interaktivti is-sharalarmen qatar mektep jáne azyq-túlik jármeńkesi uiymdastyrylady, dep habarlaidy ult.kz.
Jetisý aýdanynda jármeńkeler №148 jáne №101 gimnaziialardyń, sondai-aq Mádeniet úii men №177 orta mekteptiń janynda jumys isteidi. Munda turǵyndar sailaý ýchaskelerine jaqyn jerden qajetti taýar men azyq-túlik satyp ala alady. Alataý aýdanynda saýda alańdary №30, №35 jáne №20 sailaý ýchaskeleriniń janynda uiymdastyrylady.
Naýryzbai aýdanyndaǵy mektep jármeńkelerinde turǵyndar keńse taýarlary men mektepke qajetti kerek-jaraqtardy satyp ala alady. Saýda alańdary №174 mektep-gimnaziianyń, №538, №577, №649, №684 sailaý ýchaskeleriniń, sondai-aq №214 mektep pen №625, №679, №680, №681 jáne №682 sailaý ýchaskeleriniń janynda jumys isteidi. Uiymdastyrýshylardyń aitýynsha, jármeńke saǵat 19:00-ge deiin, al aspazdyq ónimder satatyn oryndar daýys berý aiaqtalǵanǵa deiin jumys isteidi.
Mektep jármeńkelerin ótkizýge Almaly aýdany da belsendi qatysady. Munda saýda alańdary Arbatta, №147 orta mekteptiń, Qazaq sport jáne týrizm akademiiasynyń, sondai-aq «Tselinnyi» zamanaýi mádeniet ortalyǵynyń janynda jumys isteidi. Sonymen qatar aýdanda aspazdyq jármeńkeler uiymdastyrylyp, turǵyndar sailaý ýchaskeleriniń janynan nan-toqash ónimderin, jańa pisken ónimderdi, alma men basqa da jemisterdi satyp ala alady.
Áýezov aýdanynda da onǵa jýyq jármeńke uiymdastyrylady. Olar bilim berý mekemelerinde ornalasqan sailaý ýchaskeleriniń janynda ótedi: №5 mektep-gimnaziia, №1 mektep-gimnaziia, №111 gimnaziia, №122 jalpy bilim beretin mektep, Q. Iassaýi atyndaǵy №123 mektep-gimnaziia, №117 jalpy bilim beretin mektep, №153 mektep-gimnaziia, №202 mektep-gimnaziia, sondai-aq Halyqaralyq kólik-gýmanitarlyq ýniversiteti men Almaty tehnologiialyq kolledjinde.
Túrksib aýdanynda da sailaý ýchaskeleriniń janynda jármeńke ótedi. Seifýllin dańǵyly, 13/1 mekenjaiyndaǵy №456 sailaý ýchaskesiniń janynda turǵyndar mektepke qajetti kerek-jaraqtardy, jergilikti óndiris ónimderi men nan-toqash ónimderin satyp ala alady. Súiinbai dańǵyly, 207 mekenjaiyndaǵy №460 sailaý ýchaskesinde jergilikti óndiris ónimderi usynylady. Gete kóshesi, 261 mekenjaiyndaǵy №421 sailaý ýchaskesiniń janynda kókónis pen jemis-jidek satylatyn aýyl sharýashylyǵy jármeńkesi ótedi. Dosbol bi kóshesi, 31 mekenjaiyndaǵy №523 jáne Kassin kóshesi, 51 mekenjaiyndaǵy №457 sailaý ýchaskeleriniń janynda jergilikti óndiris jáne nan-toqash ónimderiniń jármeńkesi uiymdastyrylady.
Osylaisha, turǵyndar daýys bergennen keiin qalanyń aýdandarynda uiymdastyrylǵan jármeńkeden azyq-túlik pen mektepke qajetti kerek-jaraqtardy satyp ala alady.
